Ամերիկայից Ուկրաինա մահացու զենքի հոսքը կշարունակվի. ՆԱՏՕ-ի գլխավոր քարտուղար
Ամերիկյան զենքի մատակարարումները Ուկրաինա կշարունակվեն, և դրանք կվճարեն ՆԱՏՕ-ի եվրոպացի գործընկերները: Այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն Fox News-ին տված հարցազրույցում՝ խոսելով ԱՄՆ նախագահ Դոնալդ Թրամփի հետ համաձայնեցված նոր սխեմայի մասին:
«Լավ լուրն այն է, որ նախագահ Թրամփը իմ միջոցով համաձայնության է եկել ՆԱՏՕ-ի եվրոպական գործընկերների հետ, որ Եվրոպայում ՆԱՏՕ-ի գործընկերները կվճարեն ամերիկյան զենքի մատակարարման համար։
Սա լավ լուր է ամերիկյան միջին խավի և նաև Ուկրաինայի համար, քանի որ դա նշանակում է, որ ԱՄՆ-ից Ուկրաինա մահացու զենքի հոսքը կշարունակվի», - ասաց Ռյուտեն։
