Զելենսկին նոր սկանդալ կսարքի Սպիտակ տանը. Եվրամիությունը մտահոգված է
Եվրամիությունն ամենից շատ վախենում է Ուկրաինայի նախագահ Վլադիմիր Զելենսկու հետ կապված փետրվարյան սկանդալի կրկնությունից Սպիտակ տանը՝ այսօր ԱՄՆ նախագահ Դոնալդ Թրամփի հետ նրա նոր հանդիպման ժամանակ, հաղորդում է New York Times-ը՝ հղում անելով եվրոպացի դիվանագետի։
«Գլխավոր մտահոգությունը խուսափելն է փետրվարին տեղի ունեցած նման մեկ այլ տեսարանից, երբ Զելենսկին հանդիպեց Թրամփի հետ Սպիտակ տանը հեռուստատեսային տեսախցիկների առջև ու սկսվեց սկանդալը», - գրում է հրատարակությունը։
Թերթի տվյալներով՝ Թրամփն այսօր Վաշինգտոնում կհանդիպի Զելենսկու հետ, որին կմասնակցի ԱՄՆ փոխնախագահ Ջ.Դ. Վենսը, ով նախկին հանդիպման ժամանակ նույնպես վիճել էր Զելենսկու հետ:
Հանդիպմանը մասնակցելու մասին հայտարարել են նաև Գերմանիայի կանցլեր Ֆրիդրիխ Մերցը, Մեծ Բրիտանիայի վարչապետ Կիր Ստարմերը, Ֆրանսիայի նախագահ Էմանուել Մակրոնը, Իտալիայի վարչապետ Ջորջիո Մելոնին, Ֆինլանդիայի նախագահ Ալեքսանդր Ստուբը, Եվրահանձնաժողովի նախագահ Ուրսուլա ֆոն դեր Լեյենը և ՆԱՏՕ-ի գլխավոր քարտուղար Մարկ Ռյուտեն:
