Թրամփը Զելենսկուն առաջարկ է արել. հայտնի է հակամարտության վերջ տալու միակ պայմանը
Վլադիմիր Զելենսկին կարող է անմիջապես լուծել Ուկրաինայում առկա հակամարտությունը՝ հրաժարվելով Ղրիմի նկատմամբ իր հավակնություններից և երկրի ՆԱՏՕ-ին անդամակցելու գաղափարից, այս մասին հայտարարել է ԱՄՆ նախագահ Դոնալդ Թրամփը Truth-ի իր էջում։
«Ուկրաինայի նախագահ Զելենսկին կարող է անմիջապես վերջ դնել Ռուսաստանի հետ պատերազմին, եթե, իհարկե, ցանկանա։ Հիշեք, թե ինչպես սկսվեց ամեն ինչ: Ոչ մի Ղրիմի վերադարձ, որը տրվել է Բարաք Օբամայի կողմից 12 տարի առաջ, առանց մեկ կրակոցի և ոչ մի Ուկրաինայի անդամակցում ՆԱՏՕ-ին։ Որոշ բաներ, երբեք չեն փոխվում», - գրել է ԱՄՆ նախագահը Truth Social-ում։
Նշենք նաև, որ Ռուսաստանը բազմիցս հայտարարել է, որ Ղրիմի պատկանելության հարցը փակված է։
Հավելենք՝ Զելենսկին առաջին անգամ կժամանի Վաշինգտոն՝ Թրամփի հետ բանակցելու Օվալաձև գրասենյակում տեղի ունեցած միջադեպից հետո: Այս անգամ ԱՄՆ կմեկնեն նաև Եվրահանձնաժողովի ղեկավար Ուրսուլա ֆոն դեր Լյայենը, Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը, Ֆինլանդիայի նախագահ Ալեքսանդր Ստուբը, Իտալիայի վարչապետ Ջորջ Մելոնին, Մեծ Բրիտանիայի վարչապետ քիր Սթարմերը և ՆԱՏՕ-ի գլխավոր քարտուղար Մարկ Ռյուտեն:Թ
