Պուտինը սպասում է իմ զանգին. հանդիպումներից անմիջապես հետո կլինի հեռախոսազանգ. Դոնալդ Թրամփ
ԱՄՆ նախագահ Դոնալդ Թրամփը հայտարարել է, որ Վլադիմիր Զելենսկիի և եվրոպացի առաջնորդների հետ Սպիտակ տանը կայանալիք հանդիպումից հետո արդյունքների մասին կտեղեկացնի Ռուսաստանի նախագահ Վլադիմիր Պուտինին։ Ինչպես հաղորդում է APA-ն, Սպիտակ տան ղեկավարն այս մասին ասել է Զելենսկու հետ հանդիպման ժամանակ լրագրողների հարցերին պատասխանելիս։
«Այսօրվա հանդիպումներից անմիջապես հետո կլինի հեռախոսազանգ։ Նա սպասում է իմ զանգին», - ասել է Դոնալդ Թրամփը։
ԱՄՆ նախագահի խոսքով՝ «Եթե ամեն ինչ լավ ընթանա, մենք կունենանք եռակողմ հանդիպում, և կարծում եմ, պատերազմն ավարտելու ողջամիտ հնարավորություն կընձեռնվի»։
