Պեսկովը՝ ԱՄՆ-ի և Եվրամիության որոշումներն անօրինական է համարել

Ռուսաստանի հետ առևտրային հարաբերությունները դադարեցնելու պահանջները, որոնք Արևմուտքը ներկայացնում է տարբեր երկրների, անօրինական են։ Այս հայտարարությունն արել է ՌԴ նախագահի մամուլի քարտուղար Դմիտրի Պեսկովը։

Ավելի վաղ Հնդկաստանի ԱԳՆ պաշտոնական ներկայացուցիչ Ռանդհիր Ջայսվալը հայտարարել էր, որ իր երկիրը ռուսական նավթի ներմուծման պատճառով ԱՄՆ-ի և ԵՄ-ի հարձակումները համարում է անհիմն ու ոչ խելամիտ և միջոցներ կձեռնարկի իր շահերը և տնտեսական անվտանգությունը պաշտպանելու համար։

«Մենք բազմաթիվ հայտարարություններ ենք լսում, որոնք իրականում սպառնալիքներ են։ Մենք նման հայտարարություններն օրինական չենք համարում»,-  ասել է Պեսկովը։

Նրա խոսքով՝ ինքնիշխան երկրների նկատմամբ Արևմուտքի որոշ երկրների հայտարարություններն ու սպառնալիքները փորձ են ստիպելու այդ պետություններին դադարեցնել առևտրային հարաբերությունները Ռուսաստանի հետ։

Ավելի վաղ Թրամփը հայտարարել էր, թե տեղեկություն է ստացել, որ Հնդկաստանը մտադիր է հրաժարվել Ռուսաստանից նավթ գնելուց: