Բագրատ Սրբազանը դատի է տվել ՔՊ-ական պատգամավոր Վաղարշակ Հակոբյանին
«Սրբազան պայքար» շարժման առաջնորդ Բագրատ արքեպիսկոպոս Գալստանյանը դատի է տվել ՔՊ–ական պատգամավոր Վաղարշակ Հակոբյանին զրպարտության ու վիրավորանքի համար։ Այս մասին տեղեկանում ենք «Դատալեքս» դատական տեղեկատվական համակարգից։
«Ղեկավարվելով ՀՀ Սահմանադրության 61-րդ հոդվածի 1-ին մասով, 63-րդ հոդվածի 1-ին մասով և «Մարդու իրավունքների ու հիմնարար ազատությունների պաշտպանության մասին» Եվրոպական կոնվենցիայի 6-րդ հոդվածով՝ խնդրում ենք պատասխանող Վաղարշակ Սոսի Հակոբյանից հօգուտ հայցվոր Վազգեն Պետրոսի Գալստանյանի բռնագանձել 3,000,000 դրամ»,- նշված է կայքում։
3 մլն դրամից 2 միլիոնը զրպարտության համար է, 1 միլիոնը` վիրավորանքի։
Ավելի վաղ հայտնել էինք, որ Բագրատ սրբազանը դատի է տվել առողջապահության նախարար Անահիտ Ավանեսյանին, ՀՀ ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանին, ևս մի քանի քաղաքական ու հասարակական գործիչների` փոխհատուցում պահանջելով վիրավորանքի և զրպարտության հետևանքով պատճառված ոչ նյութական վնասի համար։
