Թրամփը թող հիշի իր սիրելի ֆիլմերը՝ «քայլող մեռյալների» մասին․ Մեդվեդև
Ռուսաստանի Դաշնության անվտանգության խորհրդի փոխնախագահ Դմիտրի Մեդվեդևը` անդրադառնալով ԱՄՆ առաջնորդի իր հասցեին հնչեցրած սպառնալիքներին տելեգրամյան իր ալիքում գրել է․
«Եթե Ռուսաստանի նախկին նախագահի որոշ խոսքեր այդքան նյարդային արձագանք են առաջացնում ամբողջ աշխարհում շատ հզոր նախագահի՝ Դոնալդ Թրամփի մոտ, դա նշանակում է, որ Ռուսաստանն ամեն ինչում ճիշտ է և կշարունակի գնալ իր սեփական ճանապարհով։
Ինչ վերաբերում է Հնդկաստանի և Ռուսաստանի «մեռած տնտեսությանը» և «վտանգավոր տարածք մտնելուն», ապա թող նա հիշի իր սիրելի ֆիլմերը «քայլող մեռյալների» մասին, ինչպես նաև այն մասին, թե որքան վտանգավոր կարող է լինել բնության մեջ գոյություն չունեցող «մեռած ձեռքը»,- գրել է նա։
Հիշեցնենք՝ ԱՄՆ նախագահ Դոնալդ Թրամփը վիրավորական տեքստ էր հրապարակել՝ ուղղված ՌԴ Անվտանգության խորհրդի փոխնախագահ Դմիտրի Մեդվեդևին։
