Ռուսաստանի համար կփոխվեն խաղի կանոները․ ԱՄՆ սենատոր
Ռուսաստանը սովորել է շրջանցել պատժամիջոցները, սակայն ԱՄՆ նախագահ Դոնալդ Թրամփը կփոխի մոտեցումը, որպեսզի հարվածի նրանից էներգակիրներ գնող երկրներին, հայտարարել Է սենատոր Լինդսի Գրեհեմը:
«Թվում է, թե դուք չեք գիտակցում, որ նախագահ Թրամփը փոխում է խաղի կանոները և պատրաստվում է մաքսատուրքեր սահմանել այն երկրների համար, որոնք գնում են ձեր նավթն ու գազը՝ աջակցելով ձեր ռազմական մեքենային։ Հնարավոր է, որ դուք պետք է մոտ ժամանակներս կապվեք այդ երկրների հետ՝ պարզելու համար, թե արդյոք նրանք դրան վերաբերում են նույնքան անլուրջ, որքան դուք»,- գրել է հանրապետական սենատորը X-ի իր էջում։
Գրեհեմը Ռուսաստանի նկատմամբ խիստ սահմանափակումների ծրագրի հեղինակներից է։ Նախաձեռնության համաձայն՝ եթե երկիրը վառելիք է ձեռք բերում Ռուսաստանից և չի օգնում Ուկրաինային, ապա ԱՄՆ-ում նրա արտադրանքի համար 500 տոկոս սակագին է սահմանվում։ Կոշտ պատժամիջոցների հնարավոր թեկնածուների թվում սենատորը նշել է Հնդկաստանն ու Չինաստանը՝ ենթադրելով, որ մաքսատուրքը կարող է լինել 100 տոկոս:
