Չեզոքության ժամանակն ավարտվեց. Ավստրիան մտադիր է միանալ ՆԱՏՕ-ին

Չեզոքության ժամանակն ավարտվել է:  Ավստրիան տասնամյակներ շարունակ առաջին անգամ խոսում է ՆԱՏՕ-ին միանալու մասին: 

Ավստրիայի արտաքին գործերի նախարար Բեատե Մայնլ-Ռայզինգերը Die Welt-ին տված հարցազրույցում ասել է, որ Վիեննան պատրաստ է քննարկել չեզոքությունից հրաժարվելու և ՆԱՏՕ-ին միանալու հարցը։

Պատճառը Ռուսաստանի ավելի ու ավելի ագրեսիվ քաղաքականությունն է։

«Միայն չեզոքությունը մեզ չի պաշտպանի։ Ավստրիային անհրաժեշտ են ոչ միայն սեփական պաշտպանական ներդրումները, այլև իրական գործընկերությունները», - ասել է նախարարը։

Ներկայումս խորհրդարանում կամ քաղաքացիների շրջանում դաշինքին միանալու օգտին մեծամասնություն չկա։ 

Հիշեցնենք, որ Ավստրիան չեզոքություն հայտարարեց 1955 թվականին՝ խորհրդային և դաշնակից զորքերի դուրսբերումից հետո։ Այս դրույթը ամրագրված է սահմանադրությամբ, բայց երկիրը համագործակցում է ՆԱՏՕ-ի հետ «Գործընկերություն հանուն խաղաղության» ծրագրի միջոցով։