Զելենսկին առաջարկել է փոխել Ուկրաինայի վարչապետին
Ուկրաինայի նախագահ Վլադիմիր Զելենսկին առաջարկել է, որ երկրի առաջին փոխվարչապետ Յուլիա Սվիրիդենկոն գլխավորի կառավարությունը։ Նա այս մասին հայտարարել է Telegram ալիքում։
Նախագահը հանդիպել է Սվիրիդենկոյի հետ և քննարկել նրա հետ Ուկրաինային աջակցելու համար եվրոպական և ամերիկյան գործընկերների հետ կնքված համաձայնագրերի իրականացումը։ Բացի այդ, քննարկվել են միջոցառումներ, որոնք կարող են ամրապնդել Ուկրաինայի տնտեսական ներուժը, ընդլայնել ուկրաինացիների աջակցության ծրագրերը և մեծացնել զենքի արտադրությունը երկրում։
«Ես առաջարկել եմ, որ Յուլիա Սվիրիդենկոն գլխավորի Ուկրաինայի կառավարությունը և զգալիորեն թարմացնի դրա աշխատանքը։ Ես սպասում եմ, որ նոր կառավարության գործողությունների ծրագիրը կներկայացվի մոտ ապագայում», - գրել է նա։
Ուկրաինայի վարչապետի պաշտոնը ներկայումս զբաղեցնում է Դենիս Շմիգալը։ Նա երկրի կառավարությունը գլխավորում է 2020 թվականի մարտից։
