Ուկրաինայի ԱԳ նախարարը կոչ է արել քննադատաբար վերաբերվել ամերիկյան տեղեկատվությանը
Ուկրաինայի արտաքին գործերի նախարար Անդրեյ Սիբիգան ասել է, որ Միացյալ Նահանգներից եկող առանձին հայտարարությունները չեն վկայում ամերիկյան արտաքին քաղաքականության մեջ արմատական փոփոխությունների մասին: Ուկրաինական ռադիոյին տված հարցազրույցում նա կոչ է արել Վաշինգտոնից եկող տեղեկատվությունը ընկալել ճիշտ, հավասարակշռված, քննադատաբար և հանգիստ:
«Որովհետև մեկ, այսպես ասած, հայտարարությունը կամ մեկ գրառումը Twitter-ում չի կարող որոշել արտաքին քաղաքականության հիմնարար ուղղությունները: Բայց, իհարկե, մենք պետք է ուշադրություն դարձնենք դրան», - ասել է Սիբիգան:
Նրա խոսքով, ուժեղ դիվանագիտությունն այժմ ի վիճակի է խաղաղությունը մոտեցնել Ուկրաինային: Նախարարը նաև ընդգծել է, որ Ուկրաինան միայնակ չէ և ունի իսկական դաշնակիցներ և գործընկերներ միջազգային ասպարեզում:
