Արհեստական բանականությունը հասավ թենիսի ամենահեղինակավոր մրցաշարին
Ուիմբլդոնում՝ առաջնության գոյության 148 տարվա ընթացքում առաջին անգամ կորտերում չկան մարդիկ, որոնց հաճախ անվանում են թենիսի աշխարհի ամենաէլեգանտ ներկայացուցիչներ: Մրցավարներներին փոխարինելու են եկել Hawk Eye ընկերության մշակումները։
Համակարգը հետևում է գնդակի հետագծին՝ թռիչքի յուրաքանչյուր կետում ամրագրելով դրա կոորդինատներ, և անսխալ որոշում է ՝ գնդակը հարվածել է դաշտին, թե դուրս է եկել:
Ուիմբլդոնի «Մեծ սաղավարտի» մրցաշարի հանդիպումներն ամեն տարի սպասարկած 300 մրցավարների փոխարեն այժմ յուրաքանչյուր կորտում տեղադրված են միջինը 18 տեսախցիկներ, որոնք այսուհետ կորոշեն գնդակի ընթացքը: Փորձառու մրցավարները գնդակի ցատկի տեղը որոշում են 30-40 միլիմետր ճշգրտությամբ։
Բրիտանացի թենիսիստ Քեմերոն Նորրին կարծում է, որ անհետացել է կոլորիտը, սակայն ամենից շատ ցավում է տարիների ավանդույթի համար: Աշխարհի 12-րդ ռակետ, ամերիկացի Ֆրենսիս Տիաֆոյի կարծիքով, գեղեցիկ հագուստով գծային մրցավարները հանդիսավորություն էին հաղորդում մրցաշարին:
«Մրցավարներից հրաժարվելու որոշումը մեզ համար հեշտ չէր ։ Նախ, դա հարյուրավոր աշխատատեղեր են: Պրոֆեսիոնալ և թենիսին նվիրված մարդիկ մի ակնթարթում գործից դուրս մնացին։ Երկրորդ, մեզ համար ավելի դժվար է բաժանվել ավանդույթներից, մենք այդպիսի երկիր ենք։ Եվ երրորդ, խաղի համար այս փոխարինման անվերապահ օգուտը դեռ ապացուցված չէ»,-BBC-ին ասել են թենիսի համաանգլիական ակումբում:
Նշենք, որ այս տարի, մրցաշարի առաջին շաբաթում, մի քանի խաղացողներ բողոքեցին, որ նոր համակարգի ձայնային ուղեկցությունից, այն ցածր է, չի լսվում: Բողոքի ակցիա իրականացրեցին նաև թենիսի մասնակիցները, որոնք հիմնականում դժգոհություն հայտնեցին այն փաստից, որ տեխնոլոգիաները խլում են մարդկանց աշխատատեղերը։
«Կարծում եմ՝ սա դեռ ամենը չէ։ Ժամանակն է նոր ավանդույթների։ Դա տխուր է, բայց անխուսափելի», - ասում է թենիսի մարզիչ Քրիս Հովարդը։
