Պատկերացնո՞ւմ եք, հիմա դրանք ինչպես կառավարենք. Փաշինյան
ՀՀ վարչապետն այսօրվա կառավարության նիստի ժամանակ ասել է, որ էլեկտրաէներգիայի արտադրությունն է մայիսին որոշակի նվազել, դրա բացատրությունը, նախարարի մեկնաբանությամբ, նաև ներքին պահանջարկի որոշակի նվազումն է:
ՏԿԵ նախարար Դավիթ Խուդաթյանը հայտնել է, որ նվազումը պայմանավորված է ինքնավար կայանների արտադրությամբ.
«Հիմնականում փոքր տնտեսությունները մինչև 15 կվտ-ն իրենք են արտադրում, սպառում, և դա չի արտացոլվում արտադրանքի ընդհանուր ծավալի մեջ։ Վերջին տարիներին արևային կայանների թիվն էականորեն ավելացել է։ Այս պահին ունենք տեղադրված շուրջ 770 մգվտ հզորությամբ կայաններ, ինչը մեր ատոմային էներգակայանի կրկնակի հզորությունն է»։
«Պատկերացնո՞ւմ եք՝ չնկատելով 2 ատոմակայան ենք ստացել. Եվ հիմա հարց է՝ այդ երկու ատոմակայանն ինչպես կառավարենք. դա երկրորդ խնդիրն է»,- արձագանքել է Փաշինյանը:
