Իրանի նախագահը կոչ է արել․ Իսրայելից դեռ արձագանք չկա

Իրան-Իսրայել հակամարտությունը պետք է դադարեցվի առանց որևէ պայմանի, սակայն Թեհրանին անհրաժեշտ են երաշխիքներ, որ այլևս իսրայելական «արկածներ» չեն լինի։ Այս մասին հայտարարել է Իրանի նախագահ Մասուդ Փեզեքիանը, գրում է «Ռիա Նովոստի»-ն։

«Մենք միշտ ձգտել ենք խաղաղության և անդորրության, բայց ներկա պայմաններում պատերազմը դադարեցնելու միակ ճանապարհը թշնամու ագրեսիան առանց որևէ պայմանի դադարեցնելն է, ինչպես նաև երաշխիքներ տալը, որ սիոնիստ ահաբեկիչների արկածները ընդմիշտ կավարտվեն», -ասել է Իրանի նախագահը։

Նրա խոսքով, մնացած բոլոր դեպքերում Իրանը ավելի կոշտ պատասխան կտա։