Ադրբեջանից ՀՀ-ով անցնող բեռների նկատմամբ վերահսկողություն կլինի. ՊԵԿ

«ՀՀ Պետական եկամուտների կոմիտեն Ադրբեջանից Հայաստանի տարածքով անցնող բեռների նկատմամբ վերահսկողությունն իրականացնելու է իր իրավասությունների շրջանակում այնպես, ինչպես ցանկացած սահմանի դեպքում»,- այս մասին ԱԺ-ում լրագրողների հետ ճեպազրույցում ասել է ՀՀ ՊԵԿ նախագահ Էդուարդ Հակոբյանը։

Նրա խոսքով՝ չի լինում այնպես, որ մաքսային հսկողություն իրականացնող մարմինը չիմանա՝ ինչ բեռ է տեղափոխվում և ավտոմատ բաց թողնի:

«Եթե խոսում ենք ապաշրջափակման, սահմանների բացման մասին, ուղղակի պետք է տարբեր սցենարների պատրաստ լինել։ Մենք ունենք համապատասխան սարքավորումներ և գործիքներ, որոնք թույլ կտան ցանկացած սցենարի ադապտացվել և մեր մաքսային գործունեությունն իրականացնել»,- նշել է ՊԵԿ նախագահը։

Ինչ վերաբերում է Երևանի կողմից Բաքվին առաջարկվող «դյուրացված ընթացակարգերով բեռների անցմանը», ՊԵԿ նախագահի խոսքով՝ դրա համար մեխանիզմներ վաղուց կան և կիրառվում են այն երկրների հետ, որոնց հետ ունենք բաց սահմաններ, այսինքն՝ Իրանի ու Վրաստանի դեպքում։

«Ունենք ռիսկերի համակարգ, որտեղ ավտոմատ կերպով ինչ-որ ցուցիչներ ուսումնասիրելով՝ ինչ-որ ապրանքներ ուղարկվում են կանաչ ուղիներ, ինչ-որ ապրանքներ՝ դեղին, ինչ-որ ապրանքներ՝ կարմիր։ Օրինակ, կանաչ ուղին նշանակում է, որ բեռն առանց խնդրի կարող է անցնել սահմանը, այդտեղ խնդիր չկա՞Օրինակ, կանաչ ուղին նշանակում է, որ բեռն առանց խնդրի կարող է անցնել սահմանը»,-ասել է Հակոբյանը: