WhatsApp-ը կդադարի աշխատել որոշ սմարթֆոնների վրա

WhatsApp-ի ներկայացուցիչները հայտարարել են, որ հունիսի 1-ից դադարեցնում են մի շարք հին սմարթֆոնների աջակցությունը:

«Կիրակի օրվանից սկսած՝ WhatsApp-ը կաշխատի միայն iOS 15.1 և ավելի նոր օպերացիոն համակարգով աշխատող iPhone-ների վրա։ Android 5.0 կամ ավելի վաղ օպերացիոն համակարգով աշխատող սարքերը նույնպես կանջատվեն»,-  նշված է հայտարարության մեջ։

Օպերացիոն համակարգի նման տարբերակներով սմարթֆոնները վաղուց կորցրել են իրենց արդիականությունը։ Օգտատերերին կոչ է արվել հնարավորության դեպքում թարմացնել օպերացիոն համակարգը կամ փոխարինել հեռախոսն ավելի նոր մոդելով։