Ուժեղ մագինսական փոթորիկ է սպասվում
Ռուսաստանի գիտությունների ակադեմիայի Տիեզերական հետազոտությունների ինստիտուտի (ԻԿԻ ՌԱՆ) Արևային աստղագիտության և հելիոֆիզիկական գործիքաշինության լաբորատորիայի և Սիբիրի մասնաճյուղի Արև-Երկիր ֆիզիկայի ինստիտուտի գիտնականները զգուշացրել են Արևի վրա տեղի ունեցող բռնկումների հետևանքով առաջացող մագնիսական փոթորիկների մասին:
Նրանց կանխատեսմամբ՝ 2025 թվականի մայիսի 28-ին Երկիրը կզգա գեոմագնիսական խանգարումներ, որոնք կարող են ազդել եղանակից կախված մարդկանց և բարձր ճշգրտության էլեկտրոնիկայի աշխատանքի վրա:
Եղանակից կախված մարդիկ, հատկապես սրտի քրոնիկ հիվանդություններ, հիպերտոնիա կամ նյարդաբանական խանգարումներ ունեցող անձինք, կարող են զգալ գլխացավեր, ճնշման տատանումներ, անքնություն կամ հոգնածություն: Հիպերտոնիկ ճգնաժամերի և սրտի նոպաների մոտ 70%-ը տեղի է ունենում փոթորիկների ժամանակ:
Հավելենք՝ գեոմագնիսական խանգարումները կարող են խաթարել արբանյակների, GPS նավիգացիայի, ռադիոկապի և էլեկտրացանցերի աշխատանքը: Բարձր ճշգրտության տեխնիկայի օպերատորներին խորհուրդ է տրվում պատրաստ լինել հնարավոր խափանումներին մայիսի 28-30-ը:
