Ժամանակավորապես կդադարեցնենք այդ պատժամիջոցները. Ռուբիո
ԱՄՆ-ն ժամանակավորապես՝ 180 օրով դադարեցրել է Սիրիայի դեմ պատժամիջոցները՝ Դամասկոսին էլեկտրաէներգիա, ջուր և մարդասիրական օգնություն ապահովելու համար, հայտարարել է ԱՄՆ պետքարտուղար Մարկո Ռուբիոն։
«Համաձայն նախագահի (ԱՄՆ Դոնալդ Թրամփի – խմբ.)՝ Սիրիայում պատժամիջոցները մեղմելու պարտավորության, ես հրապարակել եմ պարտադիր պատժամիջոցներից 180-օրյա ազատման հրամանագիր։ Այս ազատումները կօգնեն ապահովել էլեկտրաէներգիա, էլեկտրաէներգիա, ջուր և սանիտարական պայմաններ, ինչպես նաև հնարավորություն կտան ավելի արդյունավետ մարդասիրական օգնություն ցուցաբերել ամբողջ Սիրիայում», – ասել է Ռուբիոն Պետդեպարտամենտի կողմից հրապարակված հայտարարության մեջ։
Ռուբիոն հավելել է, որ պատժամիջոցները կասեցնելու որոշումը Միացյալ Նահանգների և Սիրիայի միջև նոր հարաբերությունների հաստատման առաջին քայլն էր։ Նա նշել է, որ Թրամփը, ի պատասխան, ակնկալում է, որ Դամասկոսը «արագ քայլեր» կձեռնարկի առաջնահերթ քաղաքականության ոլորտներում։
