Համբուրգում անցորդներին դանակահարածը հոգեկան առողջության հետ խնդիրներ ունի
Ուրբաթ օրը Գերմանիայի Համբուրգում տեղի ունեցած հարձակման տուժածների թիվը հասել է 18-ի, վիրավորներից չորսի վիճակը շարունակում է ծայրահեղ ծանր մնալ, նրանցից երեքը կանայք են։
Ոստիկանությունը պնդում է, որ զանգվածայաին դանակահարության դրդապատճառները քաղաքական չէին։
«Կայարանի տարածքում անցորդներին անկանոն դանակահարած 39-ամյա կինը հոգեկան առողջության հետ խնդիրներ ունի»,- նշել են գերմանական աղբյուրները։ Նշվում է նաև, որ կինը մշտական բնակության վայր չունի։
Ավելի վաղ հայտնել էինք, որ Համբուրգի գլխավոր երկաթուղային կայարանում դանակով հարձակման հետևանքով առնվազն 12 մարդ է վիրավորվել, որոնցից 6-ի վիճակը ծանր է։
