Ավտոմեքենաների ղեկին եղել են հարյուրից ավելի անչափահասներ
Ոստիկանությունը հատուկ տարածքներ է տեղափոխել «Վերջին զանգի» մասնակիցների ավելի քան 260 ավտոմեքենա։ Այս մասին հայտնում է ՆԳՆ ոստիկանության մամուլի ծառայությունը։
«Մայիսի 23-ի ժամը 21.00-ի դրությամբ մայրաքաղաքում և մարզերում պահպանվող հատուկ տարածքներ է տեղափոխվել «Վերջին զանգի» միջոցառումների մասնակից անձանց 262 տրանսպորտային միջոց, որոնցից 148-ի ղեկին եղել են անչափահասներ»,– ասված է հաղորդագրությունում:
ՆԳՆ–ն կրկին հորդորում է զերծ մնալ ավտոմեքենաները երեխաներին վստահելուց․ յուրաքանչյուր դեպք առաջացնելու է իրավական հետևանք։
Ուժեղացված հսկողությունը շարունակվում է։
