Լավրովը՝ տարածաշրջանում աճող լարվածության և որոշ երկրների շահերի արհամարհման մասին
Ռուսաստանի Դաշնության արտգործնախարար Սերգեյ Լավրովը հայտարարել է, որ Ռուսաստանը մտահոգված է Հարավային Կովկասում ծագող հարցերի շուրջ։ Այս մասին նա ասել է արտգործնախարար Արարատ Միրզոյանի հետ համատեղ ասուլիսի ժամանակ։
«Մենք համոզված ենք, որ Հարավային Կովկասում ծագող հարցերը առաջին հերթին պետք է լուծվեն տեղի երկրների և մերձակա հարևանների կողմից։Դեմ չենք, որ արտատարածաշրջանային պետությունները իրենց հարաբերությունները զարգացնեն այստեղի երկրների հետ, այն ընկալմամբ, որ նման համագործակցությունը ուղղված չլինի տարածաշրջանում լարվածության ստեղծմանը, տեղի երկրների շահերի արհամարհմանը»,- ասել է Սերգեյ Լավրով։
ՌԴ արտգործնախարարի խոսքով՝ իրենք շահագրգռված են ՀԱՊԿ-ում Հայաստանի ակտիվ մասնակցությամբ։
