ՆԳՆ-ն՝ Պուտինի նկարով պաստառների մասին
ՌԴ արտգործնախարար Սերգեյ Լավրովի երևանյան այցին ընդառաջ՝ որոշ խմբեր մայրաքաղաքում կազմակերպել են բողոքի ակցիաներ, որոնց ընթացքում Երևանի որոշ հատվածներում փակցվել են ՌԴ նախագահ Վլադիմիր Պուտինի դիմանկարով պաստառներ։
«Արմենպրես»-ի հաղորդմամբ՝ ՀՀ ներքին գործերի նախարարության մամլո քարտուղար Նարեկ Սարգսյանը հայտնել է, որ ոստիկանները հեռացրել են փակցված պաստառները և վերացրել են իրավախախտումը։ ՆԳՆ ոստիկանության կողմից իրականացվում է վարչարարություն։
Ավելի վաղ հաղորդվել էր, որ Լավրովին դիմավորել են «Պուտին մարդասպան» պաստառով:
Հիշեցնենք` ՌԴ Արտաքին գործերի նախարարության պաշտոնական ներկայացուցիչ Մարիա Զախարովան անդրադարձել է ՌԴ ԱԳ նախարար Սերգեյ Լավրովի այցից առաջ Երևանի տարբեր հատվածներում հակառուսական գրություններով պաստառներով ակցիային և ակնարկել, որ այս ամենում ամերիկյան հետք է տեսնում:
