Մայիսի 15-ից Հայկական ԱԷԿ-ի աշխատանքը կկանգնեցվի
Հայկական ԱԷԿ-ի աշխատանքը մայիսի 15-ի կեսգիշերից կկանգնեցվի պլանային սպասարկման համար, այս անգամ ստանդարտ ժամանակահատվածից ավելի երկար։ Այս մասին լրագրողներին ասել է Հայկական ԱԷԿ-ի գլխավոր տնօրենի առաջին տեղակալ Մովսես Վարդանյանը ՌԴ դեսպան Սերգեյ Կոպիրկինի Մեծամոր կատարած այցի ժամանակ։
«Աշխատանքները կտևեն 60 օր, քանի որ ներկայիս գործընթացները կլրացվեն կայանի ավտոմատացման և անվտանգության որոշ համակարգերի փոխարինմամբ»,- ասել է Վարդանյանը։
