Տգիտության լաբորատոր նմուշ եք, դուք «Ժիգուլի» եք և մնալու եք «Ժիգուլի»․ Կոնջորյան
Եթե Հայաստանում լիներ բռնապետություն, Դուք պարզապես պապանձված կլինեիք: Այսօր Ազգային ժողովում հայտարարել է «Քաղաքացիական պայմանագիր» խմբակցության պատգամավոր Հայկ Կոնջորյանը՝ պատասխանելով Արմենուհի Կյուրեղյանին։
«Որ ծաղրում ու խաչակրաց արշավանք եք իրականացնում «Կրթվելը նորաձև է» շարժման նկատմամբ, ուզում եմ ասել, որ ո՛չ կրթվելը, ո՛չ նորաձևությունը ձեզ չի սպառնում․ հանգիստ եղեք։ Տգիտության լաբորատոր նմուշ եք, դուք «Ժիգուլի» եք և մնալու եք «Ժիգուլի»»,- ասել է Կոնջորյանը։
Նրա ելույթից հետո «Հայաստան» խմբակցության պատգամավորները տեղից արձագանքներ հնչեցրին, աղմուկ առաջացավ։ Ընդդիմադիրները պահանջեցին չվիրավորել։
Կոնջորյանը բացատրեց՝ ոչ թե վիրավորում է Կյուրեղյանին, այլ նրանց մտածողությունն է ներկայացնում։
Մանրամասները՝ տեսանյութում։
