ՖԻՖԱ-ն ռասիստական վիրավորանքների համար խստացրել է պատժամիջոցները
Ֆուտբոլի միջազգային ֆեդերացիաների խորհուրդը (ՖԻՖԱ) հաստատել է կարգապահական կանոնագրի նոր խմբագրություն, որն ուժեղացնում է պայքարը ռասիզմի և խտրականության դեմ: Այս մասին հաղորդվում է ՖԻՖԱ-ի պաշտոնական կայքում, գրում է armspot-ը։
Նոր կանոնակարգով ներդրվել է երեք փուլից բաղկացած հակառասիստական մեխանիզմ: Ռասիստական արտահայտությունների համար առավելագույն տուգանքը բարձրացվել է մինչև 5 միլիոն շվեյցարական ֆրանկ: Խաղացողներն ու պաշտոնատար անձինք կարող են օգնել բացահայտել մեղավորներին, որոնց կհեռացնեն մարզադաշտերից: ՖԻՖԱ-ն իրավունք է ստացել միջամտելու և բողոքարկելու ռասիզմի հետ կապված գործերը միջազգային արբիտրաժում: Միջազգային ֆեդերացիաները պարտավոր են իրենց կանոնները համապատասխանեցնել նոր դրույթներին:
«Նոր կանոնագիրը կարևոր քայլ է ռասիզմի և խտրականության դեմ պայքարում՝ մեր 211 անդամների հետ համագործակցությամբ», — նշել է ՖԻՖԱ-ի նախագահ Ջանի Ինֆանտինոն:
