Պայթյուն՝ ՌԴ զորամասներից մեկի պահեստում
ՌԴ Վլադիմիրի մարզի Կիրժաչի շրջանում պայթյուն է տեղի ունեցել։
Նշվում է, որ պայթյունը տեղի է ունեցել Բարսովո գյուղում։ Ըստ Պաշտպանության նախարարության հրապարակման՝ հրդեհի հետևանքով պայթել է պահեստում պահեստավորված զինամթերքը, հրդեհի նախնական պատճառն անվտանգության պահանջների խախտումն է։ Ըստ նախնական տեղեկությունների՝ զոհեր և վիրավորներ չկան։
Հաղորդվում է, որ տեղում աշխատում են համապատասխան ծառայությունները, ավելի ուշ կտրամադրվի մանրամասն տեղեկատվություն:
Դեպքի հանգամանքները պարզելու համար ստեղծվել է հանձնաժողով՝ պաշտպանության փոխնախարար Բուլիգայի գլխավորությամբ։ Պատասխանատուները կենթարկվեն պատասխանատվության։ Վլադիմիրի շրջանում բռնկված հրդեհի մարման աշխատանքներին ներգրավված են զորամասի և ԱԻՆ բրիգադները։
Տեղական իշխանությունների տվյալներով՝ Բարսովո և Միրնի բնակավայրերի բնակիչները տարհանվում են։
