Եռակողմ հանդիպում է տեղի ունենալու․ ինչ է քննարկվելու
Հայաստանի, Վրաստանի և Ադրբեջանի ԱԳ նախարարների տեղակալները եռակողմ հանդիպում կունենան Թբիլիսիում։ Այս մասին հայտնել է ՀՀ ԱԳՆ մամուլի խոսնակ Անի Բադալյանը։
«Այսօր Թբիլիսիում նախատեսվում է Հայաստանի, Վրաստանի և Ադրբեջանի ԱԳ նախարարների տեղակալների եռակողմ հանդիպում։ Այն նվիրված է տարածաշրջանային համագործակցության հեռանկարներին»,– գրել է Բադալյանը:
Հիշեցնենք, որ ավելի վաղ Հայաստանի, Ադրբեջանի և Վրաստանի արտգործնախարարներ Արարատ Միրզոյանը, Ջեյհուն Բայրամովը և Մակա Բոճորաշվիլին Անթալիայում դիվանագիտական համաժողովի շրջանակում պանելային քննարկման էին մասնակցել։
