Թրամփի քթին պետք է բռունցքով հարվածել․ Politico

Եվրամիությունը ցանկանում է պատասխան տալ ԱՄՆ նախագահ Դոնալդ Թրամփի վարչակազմի կողմից 20 տոկոսի չափով սահմանված մաքսատուրքերին: Այս մասին հայտնում է Politico  պարբերականը՝ վկայակոչելով դիվանագետներին։

ԵՄ աղբյուրների խոսքով՝ Բրյուսելը ատում է մաքսատուրքերը և կցանկանար խուսափել Վաշինգտոնի հետ առևտրային հարաբերությունների սրումից, սակայն Եվրամիության երկրների մեծ մասը,  այս պահին քայլեր են ձեռնարկում՝ Թրամփի ուշադրությունը գրավելու համար:

«Սա դպրոցական վատ տղայի հետ շփման դասական դեպք է։ Պետք է բռունցքով հարվածել Թրամփի քթին»,- հայտարարել է եվրոպացի դիվանագետը:

Politico-ի փոխանցմամբ  ԵՄ երկրների ԱԳ նախարարները Լյուքսեմբուրգում կայանալիք հանդիպմանը կքննարկեն պատասխան հարված հասցնելու ռազմավարությունը, ինչպես նաև ամերիկյան արդյունաբերության որոշ հատվածներ, որոնց հետ կապված Եվրոպան ցանկանում է մաքսատուրքեր սահմանել: