Քաղաքականություն

Իրանը երբեք այդ ճանապարհը չի բռնի․ ԱԳՆ

Իրանը երբեք այդ ճանապարհը չի բռնի․ ԱԳՆ
Իրանը միջուկային զենք չի մշակի, քանի որ դա արգելված է երկրի ղեկավարության կողմից։ Իսլամական հանրապետության արտաքին գործերի նախարարության պաշտոնական ներկայացուցիչ Էսմայիլ Բաղաին այսպես է մեկնաբանել…

Իրանը միջուկային զենք չի մշակի, քանի որ դա արգելված է երկրի ղեկավարության կողմից։ Իսլամական հանրապետության արտաքին գործերի նախարարության պաշտոնական ներկայացուցիչ Էսմայիլ Բաղաին այսպես է մեկնաբանել Իրանի խորհրդարանի պատգամավոր Մոհամմադ Քասիմ Օսմանիի՝ Արևմուտքի հետ բանակցություններում հավասարություն ապահովելու համար ատոմային ռումբ ստեղծելու առաջարկը, գրում է «ՏԱՍՍ»-ը։


Նշենք նաև, որ պատգամավոր Օսմանին, խոսելով միջուկային զենք ստեղծելու անհրաժեշտության մասին, պնդել էր, որ Իրանը ընտրություն չունի և միայն միջուկային զսպման միջոցով կարող է պաշտպանել ազգային անվտանգությունը։


«Իրանը երբեք, ոչ մի դեպքում չի բռնի միջուկային զենք ստեղծելու ճանապարհը: Սա մեր ռազմավարության անբաժանելի մասն է»,- ասել է Բաղաին:


Նրա խոսքով՝ Ատոմային էներգիայի միջազգային գործակալության զեկույցները հաստատում են Թեհրանի միջուկային ծրագրի խաղաղ բնույթը։


«Դեռևս 1984 թվականին՝ ավելի քան 40 տարի առաջ, Սիոնիստական ​​ռեժիմի ղեկավարությունը առաջին անգամ հայտարարեց, որ Իրանը մշակում է իր միջուկային ծրագրի վտանգավոր ռազմական բաղադրիչը։ Այս մեղադրանքներն ի սկզբանե ուղղված էին հակաիրանական տրամադրությունների ստեղծմանը և Իրանի տեխնոլոգիական և արդյունաբերական առաջընթացը զսպելուն»,- հավելել է Բաղաին:



Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3202) ԱՄՆ (2273) Ռուսաստան (2072) Իրան (1729) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250