ՔՊ-ական հարբած պատգամավորը հայհոյել է լրագրողին
ԱԺ ՔՊ խմբակցության պատգամավոր Վիլեն Գաբրիելյանի և լրագրողներից մեկի միջև միջադեպ է տեղի ունեցել Գյումրիում՝ ՔՊ նախընտրական շտաբի դիմաց։
Միջադեպի ժամանակ Գաբրիելյանը, որն այդ պահին սթափ վիճակում չէր, հայհոյել է լրագրողին։
Լրագրող Սյուզի Բադոյանը ֆեյսբուքյան ուղիղ եթերում ՔՊ շտաբի դիմաց ՀՀ վարչապետի խոսնակ Նազելի Բաղդասարյանին ցույց է տվել վերոնշյալ միջադեպի տեսանյութը ու մեկնաբանություն խնդրել, ինչին ի պատասխան՝ Բաղդասարյանն ասել է․ «Ցանկացած պարագայում լրագրողի գործունեությունը խոչընդոտելը անընդունելի է․․․ Ընդհանրապես որևէ մեկին հայհոյել չի կարելի»։
