Թաիլանդում ավելի քան 100 հետցնցում են գրանցել երկրաշարժից հետո
Թաիլանդի օդերեւութաբանական դեպարտամենտն ուրբաթ օրվանից ավելի քան 100 հետցնցում է գրանցել Մյանմայում տեղի ունեցած երկրաշարժից հետո:
«Ինչ վերաբերում է սեյսմիկ իրավիճակին, ապա օդերևութաբանական դեպարտամենտի երկրաշարժերի դիտարկման բաժինը հայտնել է ընդհանուր առմամբ 101 ստորգետնյա ցնցումների մասին», - ասված է գերատեսչության տարածած հաղորդագրության մեջ: Ստորգետնյա ցնցումների ուժգնությունը տատանվում էր 1.0-ից 7.0-ի սահմաններում:
Հիշեցնենք, որ հզոր երկրաշարժ է տեղի ունեցել մարտի 28-ին Մյանմայի տարածքում։ Կան բազմաթիվ զոհեր, վիրավորներ ու անհետ կորածներ:
