Ակցիա անող վարդաշենցիներին ընդունել են քաղաքապետարանում
Քաղաքապետարանի մոտ ակցիա անող վարդաշենցիները համաձայն չեն որ իրենցից 6 հոգի բարձրանա քաղաքապետարան: Նրանք պահանջել են, որ քաղաքապետարանից իջնեն իրենց մոտ և պատասխանեն իրենց հարցերին:
«Ոչ 6 հոգի, ոչ՝ 3, ոչ էլ՝ 13, թող իջնեն բոլորիս պատասխան տան: Եկեք անձամբ դուք պատասխանեք: Իջե՛ք, չենք բարձրանալու ոչ մեկս, կամ բոլորին կամ ոչ մեկին»,- լրագրողներին ասել են նրանք:
Ակցիայի մասնակցիները վստահեցրել են՝ եթե պետք լինի նստացույց կանեն:
Որոշ ժամանակ անց քաղաքացիները համաձայնեցին 6 հոգով բարձրանալ քաղաքապետարան՝ հասկանալու ինչ է լինելու իրենց խնդրի հետ:
