Բարդ խաղ է լինելու. Վիլի Սանյոլը՝ Հայաստանի դեմ մրցավեճի մասին

Վաղը բարդ խաղ է լինելու մեզ համար: Այս մասին հայտարարել է Վրաստանի ազգային հավաքականի գլխավոր մարզիչ Վիլի Սանյոլը Ազգերի լիգայի անցումային փլեյ-օֆֆի Հայաստան-Վրաստան խաղի նախօրեին կայացած մամուլի ասուլիսի ժամանակ:

«Հայաստանի դեմ մրցավեճը, այսպես ասած, դերբի է: Վստահ եմ, որ իմ թիմի բոլոր ֆուտբոլիստները կազմ ու պատրաստ կլինեն վաղվա հանդիպմանն ու կկարողանան դրական արդյունքի հասնել»,- ասել է Սանյոլը:

Վրաստանի գլխավոր մարզիչը նաև խոսել է Հայաստանի ազգային հավաքականի նորանշանակ մարզիչ Ջոն Վան'տ Սխիպի նշանակմանը.

«Հիշում եմ նրան Հունաստանի հավաքականում աշխատելիս: Գիտեմ նաև, որ Ամստերդամի «Այաքսի» պես մեծ թիմում է պաշտոնավարել: Վստահ եմ, որ նրա նշանակումը լավ լուր է հայկական ֆուտբոլի համար: Հայաստանի հավաքականը վերջին 15-20 տարիներին միշտ տպավորել է: Վերջին շրջանը գուցե հաջող չէ, բայց կարծում եմ՝ նոր մարզիչը կարող է շտկել իրավիճակը»,- նշել է նա: