Նրանք չեն ցանկանում լինել այն տարածքը, որտեղ լուծվում են արտաքին խաղացողների խնդիրները․ Լավրով

Սիրիայի ղեկավարությունը շահագրգռված է, որպեսզի երկրում իրավիճակը կայունանա՝ առանց աշխարհաքաղաքական միջամտության։ Այս մասին հայտարարել է ՌԴ ԱԳ նախարար Սերգեյ Լավրովը:

«Մենք գիտենք, որ Սիրիայի ղեկավարությունը, և դա մեզ հաստատել են Կատարի զրուցակիցները, շահագրգռված է, որ աջակցությունը բարեփոխումներին, աջակցությունը երկրի ներսում իրադրության կարգավորման գործընթացներին լինի հավասարաչափ, հավասարակշռված, որպեսզի ոչ ոք չփորձի այդ գործընթացները ստորադասել իր աշխարհաքաղաքական նպատակներից», - ասել Է Լավրովը։ 

Նախարարն ընդգծել է, որ Սիրիան այլևս չի ցանկանում լինել այն տարածքը, որտեղ լուծվում են արտաքին խաղացողների աշխարհաքաղաքական խնդիրները: