Ադրբեջանը գիտի, թե դա ինչ ռեակցիա է բերելու. Եղոյան
Ադրբեջանի ԱԳ փոխնախարարի կողմից արված հայտարարությունը, թե Հայաստանը ուզում է հաղթահարել կարգավորման գործընթացի հիմնական խոչընդոտները սահմանադրության փոփոխությունների միջոցով՝ օրինական կերպով հրաժարվելով Ադրբեջանի նկատմամբ տարածքային պահանջներից չի համապատասխանում իրականությանը:
Այս մասին այսօր, Երևանում ընթացող Հայաստան-ԵՄ խորհրդարանական գործընկերության կոմիտեի 4-րդ նիստի շրջանակներում Հայաստան-Եվրամիություն խորհրդարանական գործընկերության կոմիտեի համանախագահ Նիլս Ուշակովսի հետ համատեղ ասուլիսի ժամանակ ասել է ԱԺ եվրոպական ինտեգրացիայի հարցերի հանձնաժողովի նախագահ Արման Եղոյանը:
«Ադրբեջանի ներկայացուցիչները, հրաշալի իմանալով, թե ինչ ռեակցի է դա բերելու Հայաստանում, ցանկանում են նմանատիպ հայտարարություններով թույլ չտալ Հայաստանում կատարել սահմանադրական բարեփոխումներ, ես այդպես եմ դա գնահատում»,-ասել է նա:
Եղոյանը նաեւ նշել է. «Խաղաղության համաձայնագրի նախագծի 17 կետերից 15-ը համաձայնեցված են, երկուսը համաձայնեցված չեն և դրանցից ոչ մեկը չի վերաբերում Հայաստանի Հանրապետության Սահմանադրությանը»:
