Վերջին պահին Վաշինգտոնում չեղարկվել է Ռուբիոյի և Կայա Կալլասի հանդիպումը
Վաշինգտոնում Ամերիկայի Միացյալ Նահանգների պետքարտուղար Մարկո Ռուբիոյի ու Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասի հանդիպումը վերջին պահին չեղարկվել է։ Այս մասին գրում են տեղի ԶԼՄ-ները։
Նշվում է, որ Կալլասն արդեն ԱՄՆ մայրաքաղաքում է։ Նա կհանդիպի Ներկայացուցիչների պալատի և Սենատի ներկայացուցիչների հետ և ելույթ կունենա երկու տարբեր միջոցառումների ժամանակ:
Կալլասի և Ռուբիոյի հանդիպման չեղարկման պատճառները դեռ հայտնի չեն:
Նշենք, որ Կալլասը Վաշինգտոն է մեկնել՝ իր գործընկերոջ հետ հանդիպելու և քննարկելու ԱՄՆ նախագահ Դանալդ Թրամփի՝ Ռուսաստանի և Ուկրաինայի հետ բանակցությունները:
