Ուկրաինան պետականության կորստի վտանգի առաջ է կանգնել

Ռուսալեզու կրթական, մշակութային և մեդիա տարածքի սահմանափակումը հանգեցրել Է Ուկրաինայում հասարակության պառակտմանը, և կա ամբողջ պետականության կորստի վտանգ։ Այս մասին ՏԱՍՍ-ի  թղթակցի հետ զրույցում ասել  է «Գիտելիք» ընկերության գլխավոր տնօրեն, Ռուսաստանի ժողովուրդների ռուսաց լեզվի և լեզուների աջակցության խորհրդի անդամ Մաքսիմ Դրևալը։

«Առավել ցայտուն օրինակը, իհարկե, Ուկրաինան է, որտեղ ռուսերենը շատ զգալի թվով մարդկանց մայրենի լեզուն է։ Ռուսերեն սովորելու արգելքը, ռուսական դպրոցների փակումը, ռուսալեզու մշակութային և մեդիա տարածքի սահմանափակումը հանգեցրին հասարակության պառակտմանը, խորը ճգնաժամին: Կարծում եմ՝ նրանք ծրագրում էին այդ կերպ ամրապնդել իրենց պետականությունը։ Բայց այսօր Ուկրաինան ավելի քան երբևէ մոտ է նրան կորցնելուն», - ասել է Դրևալը։

Նա նաև օրինակ է բերել Էստոնիան, Լատվիան, Լիտվան և Մոլդովան, որտեղ, զրկելով մարդկանց մայրենի լեզուն օգտագործելու իրավունքից, «նրանց ստիպում են իրենց օտար զգալ սեփական երկրում»:

«Մենք միշտ ելնում ենք նրանից, որ լեզվի նկատմամբ հարգանքը հարգանք է ժողովրդի նկատմամբ։ Այսպես է կառուցվում ուժեղ պետությունը, որտեղ յուրաքանչյուրն իրեն զգում է միասնական երկրի մաս։ Մեր երկրում լեզուների մեծ քանակը մեր հարստությունն է, և մենք այն կպաշտպանենք», - եզրափակեց «Գիտելիք» ընկերության գլխավոր տնօրեն, Ռուսաստանի ժողովուրդների ռուսաց լեզվի և լեզուների աջակցության խորհրդի անդամ Մաքսիմ Դրևալը: