ԵԱՏՄ-ն կարող է դառնալ G20-ի անդամ. Լավրով

Եվրասիական տնտեսական միությունը դրսևորում է դրական դինամիկա: Այս մասին հայտարարել է ՌԴ արտգործնախարար Սերգեյ Լավրովը։

«ԵԱՏՄՆ ներդրումներ է կատարում համաշխարհային տնտեսական կապերի զարգացման մեջ և ապագայում կկարողանա հավակնել Մեծ քսանյակում (G20) տեղ ունենալու համար»,- ասել է նա։

Վերջինս հիշեցրել է, որ անցյալ տարվանից Աֆրիկյան միությունն արդեն դարձել է «քսանյակի» լիիրավ անդամը, և այժմ դրանով հետաքրքրված են Արաբական պետությունների լիգան և Լատինական Ամերիկայի և Կարիբյան ավազանի երկրների համայնքը:

«Ողջունում ենք այդ տրամադրվածությունը և կարծում ենք, որ ինչ-որ պահի Եվրասիական տնտեսական միությունը կարող է հավակնել նմանատիպ կարգավիճակի, քանի որ վերոհիշյալ բոլոր ասոցիացիաները միջազգային տնտեսական հարաբերությունների զարգացման գործում իրենց ներդրման առումով դրական դինամիկա են դրսևորում»,-հավելել է Լավրովը։

Եվրասիական տնտեսական միության անդամներն են Հայաստանը, Բելառուսը, Ղազախստանը, Ռուսաստանը և Ղրղզստանը։