ՌԴ-ն պատրաստ է Ուկրաինայի հարցով բանակցությունների. Պուտին
Ռուսաստանը պատրաստ է վերադառնալ Ուկրաինայի հարցով բանակցությունների սեղանի շուրջ: Այս մասին հայտարարել Է ՌԴ նախագահ Վլադիմիր Պուտինը։
Նա հայտնել է, որ բարձր է գնահատում Ռիադում կայացած բանակցությունների արդյունքը:
«ՌԴ-ն առաջին քայլն է արել, որպեսզի ԱՄՆ-ի հետ աշխատանքը վերսկսվի ամենատարբեր ուղղություններով, որտեղ կա փոխադարձ հետաքրքրություն»,- ասել է Պուտինը:
Պուտինը նաև հայտարարել է, որ Ռուսաստանը չի հրաժարվել եվրոպացիների և Ուկրաինայի հետ շփումներից, այլ նրանք են դադարեցրել կամ արգելել շփումները։
Նախագահի խոսքով, Թրամփի հետ պարզապես հանդիպումը բավարար չէ, այլ պետք է հասնել ամենակարևոր հարցերի մշակման, այդ թվում՝ Ուկրաինայի հարցով։
«Ռուսաստանի և ԱՄՆ-ի հարաբերություններն այսօր այնպիսին են, որ սուրճի սեղանի շուրջ հանդիպումը բավարար չէ»,- հավելել է նա:
