Որ երկրներն են դեմ Ուկրաինայի՝ ՆԱՏՕ-ին միանալուն

Եվրոպացի առաջնորդների մեծ մասն աջակցում է Ուկրաինայի անդամակցությանը, բացառությամբ Սլովակիայի, Հունգարիայի, Գերմանիայի և ԱՄՆ-ի: Այս մասին հայտարարել է Ուկրաինայի նախագահ Վլադիմիր Զելենսկին, փոխանցում է РБК-Украина-ն՝ թուրքական Anadolu գործակալությանը հղումով։

«Սակայն ԱՄՆ գործոնն էական դեր է խաղում այդ կարծիքների ձևավորման գործում»,- ասել է նա լրագրողներին Անկարայի օդանավակայանում Թուրքիայի նախագահ Ռեջեփ Թայիփ Էրդողանի հետ հանդիպումից հետո։

Զելենսկին նշել է նախագահ Էրդողանի աջակցությունը ՆԱՏՕ-ին Ուկրաինայի ապագա անդամակցությանը։

«Եթե ՆԱՏՕ-ն տարբերակ չէ, անվտանգության ի՞նչ երաշխիքների մասին է խոսքը»,- ասել է նա՝ ընդգծելով, որ իր երկիրն ունի հզոր բանակ, բայց դրա պահպանումը անընդհատ զենք ու փող է պահանջում։

Նշելով, որ Ուկրաինային անհրաժեշտ են նաև տնտեսական անվտանգության երաշխիքներ, Զելենսկին ասել է, որ «դրա համար մենք պետք է մուտք գործենք այնպիսի մեծ շուկա, ինչպիսին Եվրամիությունն է»։