Լուրջ խոսակցություն չէ. Զելենսկի

Ուկրաինայի նախագահ Վլադիմիր Զելենսկին կարծում է, որ 500 միլիարդ դոլարի հանքային պաշարները վերադարձնելու Վաշինգտոնի պահանջը «լուրջ խոսակցություն չէ»։ Այս մասին նա հայտարարել է CNN Türk-ին տված հարցազրույցում։

Ուկրաինայի առաջնորդը նշել է, որ ԱՄՆ-ը Կիևին մատակարարել է 67 միլիարդ դոլարի զենք, մինչդեռ ամերիկացիների կողմից բյուջետային աջակցությունը կազմել է 31,5 միլիարդ դոլար։

Բացի այդ, Զելենսկին ասել է, որ հազվագյուտ հողային մետաղների դիմաց Վաշինգտոնից անվտանգության երաշխիքներ է ուզում։ Նախկինում ԱՄՆ-ի առաջարկած փաստաթուղթը, ինչպես ասել է Ուկրաինայի նախագահը, երաշխիքների մասին խոսք չի պարունակում։

Փետրվարի 15-ին Թրամփը Ուկրաինային առաջարկել է գործարք կնքել, որով ԱՄՆ-ին հասանելի կլինի հազվագյուտ հողային պաշարների 50%-ը: Այս մետաղները ներառում են 17 տարրեր, ինչպիսիք են սկանդիումը, իտրիումը, լանթանը և այլն: Դրա դիմաց ԱՄՆ-ն Ուկրաինայի անվտանգության երաշխիքներ է խոստացել։