Որքան վնաս է կրում ԶՄՊԿ-ն մեկ օրում
Զանգեզուրի պղնձամոլիբդենային կոմբինատին օրական մոտ 400 մլն դրամի վնաս է հասցվել։ Ընկերությունը ներկայացրել է «մի խումբ օրինազանց աշխատակիցների գործողությունների հետևանքը»` պատասխանելով ֆինանսական վնասների մասին լրատվամիջոցների հարցմանը։
ԶՊՄԿ-ի շուրջ 200 աշխատակիցներ հունվարի 31-ից գործադուլ են անում և պահանջում բարձրացնել աշխատավարձերը: Կոմբինատի ղեկավարությունը հայտարարություն էր տարածել` նշելով, որ կդիմի խիստ քայլերի, եթե նրանք չդադարեցնեն գործադուլը։ ՀՀ էկոնոմիկայի նախարար Գևորգ Պապոյանն էլ, չնայած նրան, որ կառավարությունը 22 տոկոս բաժնեմաս ունի ընկերությունում, հայտնել է, որ ԶՊՄԿ–ում սկսված գործադուլի լուծման հարցն իրենց տիրույթում չէ, կառավարությունը տեղի ունեցածով մտահոգված է։
