Զինված հարձակում Մերձավանի վարչական ղեկավարի տան ուղղությամբ. կա զոհ և վիրավոր
Գիշերը զինված հարձակում է եղել Փարաքար խոշորացված համայնքի Մերձավան բնակավայրի վարչական ղեկավարի տան ուղղությամբ: Այս մասին հայտնում է «Հայկական ժամանակ»-ը:
Ըստ նախնական տեղեկությունների՝ կա մեկ զոհ և մեկ վիրավոր: Ներքին գործերի նախարարությունից հաստատել են տեղեկությունները:
«Միջադեպ է տեղի ունեցել, կա մեկ զոհ, մեկ վիրավոր: Ձեռնարկվում են միջոցառումներ՝ դեպքի բոլոր հանգամանքները պարզելու ուղղությամբ: Նախաձեռնվել է քրեական վարույթ»,- հայտնել են ՆԳՆ-ից:
Լուրը հաստատել է նաև Մերձավան վարչական համայնքի ղեկավար Մհեր Ախտոյանի եղբայրը՝ Դավիթ Ախտոյանը:
Ըստ նրա՝ մահածաը իրենց հորաքրոջ որդին է, վիրավորը՝ ընկերը: Վերջիններս փորձել են միջամտել, որպեսզի չմտնեն տուն:
