Վրաստանի ԿԸՀ նախագահը կկարողանա զենք կրել․ մանրամասներ

Վրաստանի Կենտրոնական ընտրական հանձնաժողովի նախագահին թույլ կտան զենք կրել տեղական իշխանությունների ընտրություններից առաջ։ Այս մասին գրել են տեղի ԶԼՄ-ները:

«Զենքի մասին» օրենքում համապատասխան փոփոխությունները Վրաստանի խորհրդարանը կքննարկի մոտ ժամանակներս։ Բացի ԿԸՀ նախագահից, ծառայողական զենք կրելու իրավունք կտրվի ԿԸՀ այն անդամներին, որոնց նկատմամբ սահմանափակումներ չեն կիրառվել:

Նշենք, որ ծառայողական զենք կրելը Վրաստանում խստորեն վերահսկվում է դրանց կիրառումը կարգավորող կանոններով։ Անձինք իրավունք ունեն ծառայողական զենք օգտագործել միայն կյանքին անմիջական սպառնալիքի դեպքում։