Արման Ծառուկյանը ցանկանում է ևս մեկ անգամ տիտղոսային մենամարտ ստանալ
UFC-ի թեթև քաշային կարգի դասակարգման առաջին համար, Հայաստանը ներկայացնող Արման Ծառուկյանը MMA-ին տված հարցազրույցում հայտնել է, որ պատրաստ է մի քանի մրցակիցների հետ հանդիպել՝ կրկին տիտղոսային մենամարտի իրավունք ստանալու համար։
«Ցանկանում եմ ևս մեկ անգամ տիտղոսային մենամարտ ստանալ։ Պատրաստ եմ մենամարտել Մայքլ Չենդլերի և Չարլզ Օլիվեյրայի հետ։ Երկուսի հետ էլ պատրաստ եմ պայքարել 5 ռաունդ»,- նշել է Արմանը։
Հիշեցնենք՝ ավելի վաղ UFC-ի նախագահ Դանա Ուայթը հայտնել էր, որ Արմանը վերադարձից հետո տիտղոսային մենամարտ չի ստանա։
Ավելի վաղ Արման Ծառուկյանը պատմել է, թե ինչպես է մեջքի վնասվածք ստացել ու հրաժարվել Իսլամ Մախաչևի դեմ տիտղոսային մենամարտից:
