Մանրամասներ՝ Փաշինյան-Պուտին հեռախոսազրույցից
ՀՀ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ հեռախոսազրույցի ժամանակ պարզաբանել է Եվրամիության հետ հարաբերությունների համատեքստում Երևանի վերջին քայլերի հետ կապված իրավիճակը, ՌԴ ղեկավարը տվել է համապատասխան մեկնաբանություններ և գնահատականներ: Այս մասին հայտնում են Կրեմլից։
Հաղորդվում է, որ զրույցը կայացել է հայկական կողմի նախաձեռնությամբ:
«Ի շարունակություն 2024 թվականի դեկտեմբերին անցկացված Եվրասիական տնտեսական բարձրագույն խորհրդի նիստի, քննարկվել են ինտեգրացիոն փոխգործակցության հետագա խորացման որոշ արդիական հարցեր, առաջին հերթին՝ էներգետիկայի ոլորտում։ Արձանագրվել են ծանրակշիռ գործնական օգուտներ ԵվրԱզԷՍ-ի շրջանակում իրականացված համատեղ աշխատանքից, այդ թվում՝ Հայաստանի տնտեսության համար»,– ասված է հաղորդագրությունում։
Նշենք, որ զրույցի մասին ավելի վաղ տեղեկացրել էր ՀՀ կառավարությունը։
