Պարզաբանում հետնապակին կոտրված ավտոբուսի վերաբերյալ

Ցանկանում եմ պարզաբանում տալ մամուլում տարածվող լուսանկարի վերաբերյալ, որտեղ երևում է 4565 պետհամարանիշով տրանսպորտային միջոցը` հետնապակին կոտրված։ Այս մասին հայտնել է Երևանի քաղաքապետարանի «Երևանի ավտոբուս» ՓԲԸ-ի մամլո խոսնակ Գեղամ Ասատրյանը:

«Լուսանկարը անելու պահին ավտոբուսը չի եղել երթուղում, չի սպասարկել քաղաքացիներին, ավելին` այն վարորդների փոխադրումը կազմակերպելու համար է նախատեսված։ Իսկ տվյալ պահին, երբ լուսանկարվել է, մեքենայի հետնամասը վթարելուց հետո վարորդը մեքենան Թևոսյան 5 հասցեի հավաքակայան տեղափոխելիս է եղել»,- գրել է նա: