Ադրբեջանը դադարեցրել է գազամատակարարումը Սերբիա
Ադրբեջանը Սերբիային ծանուցել է գազի մատակարարման դադարեցման մասին: Այս մասին Kommerstan.ru–ի փոխանցմամբ հայտարարել է Սերբիայի նախագահ Ալեքսանդր Վուչիչը։
Նրա խոսքով, մատակարարումների դադարեցումը կապված է «Շահ Դենիզ» հանքավայրի խնդիրների հետ, ինչը նշանակում է, որ Բելգրադն այլևս չի կարող հույս դնել 1,7 միլիոն խմ գազի վրա, որն ամեն օր մատակարարվում էր։
«Այստեղ ասվում է.«Չկա վստահություն կամ հստակություն, թե որքան ժամանակ կպահանջվի գազի մատակարարման վերականգնման համար»: Ձեզ համար սերբերեն կթարգմանեմ, սիրելի ժողովուրդ։ Սա նշանակում է, որ այսօրվանից մենք սկսելու ենք շատ ավելի ուժեղ և ավելի շատ ծախսել սեփական պաշարները»,– ասել է Վուչիչն ասել է ԱՄՆ պետքարտուղարի կառավարման և ռեսուրսների գծով տեղակալ Ռիչարդ Վերմայի հետ կայացած ճեպազրույցում։
Սերբիայի նախագահը հույս է հայտնել, որ մեկ-երկու ամսվա ընթացքում ադրբեջանական կողմը կլուծի խնդիրները, և մատակարարումները կվերսկսվեն։
Ալեքսանդր Վուչիչը ԱՄՆ պետքարտուղարի տեղակալի հետ քննարկել է մի շարք հարցեր, այդ թվում՝ ԱՄՆ պատժամիջոցները Հարավարևելյան Եվրոպայի խոշորագույն էներգետիկ ընկերություններից մեկի՝ NIS–ի դեմ: Հունվարի 10-ին «Գազպրոմ Նեֆտ»-ի հետ միասին ամերիկյան «սև ցուցակ» է ավելացվել նաև NIS-ը։
