Ջեյհուն Բայրամովը ԵՄ դիվանագիտության ղեկավարի հետ քննարկել է Հայաստանի հետ հարաբերությունների կարգավորումը

ԵԱՀԿ ԱԳ նախարարների խորհրդի շրջանակում Ադրբեջանի արտաքին գործերի նախարար Ջեյհուն Բայրամովը հանդիպել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Կայա Կալասի հետ։ Այս մասին հաղորդել է Ադրբեջանի ԱԳՆ–ն:

Նշվում է, որ կողմերը քննարկել են Ադրբեջանի և Եվրամիության միջև քաղաքական երկխոսության արդի հարցերը, ինչպես նաև թեմաների լայն շրջանակ, այդ թվում՝ էներգետիկ անվտանգության ոլորտում համագործակցությունը, փոխգործակցությունը, ինչպես նաև Ադրբեջանի և Հայաստանի միջև հարաբերությունների կարգավորման գործընթացը: