Հվ. Կորեայի նախագահին պաշտոնապես իմպիչմենթի ենթարկելու առաջարկ է ներկայացվել. Reuters
Կորեայի Հանրապետության նախագահ Յուն Սյոկ Յոլին իմպիչմենթի ենթարկելու առաջարկը պաշտոնապես ներկայացվել է երկրի խորհրդարանի լիագումար նիստում։ Այս մասին հայտնում է Reuters-ը։
Ազգային օրենսդրության նորմերին համապատասխան՝ պետության ղեկավարի իմպիչմենթի հարցի քվեարկությունը պետք է տեղի ունենա առաջարկի պաշտոնական ներկայացման պահից 24-72 ժամվա ընթացքում։ Սա նշանակում է, որ իմպիչմենթի քվեարկությունը տեղի կունենա դեկտեմբերի 6-ին կամ 7-ին:
Նախագահի իմպիչմենթի նախաձեռնողները վեց ընդդիմադիր կուսակցություններ են։ Նախաձեռնությանը պետք է աջակցեն Ազգային ժողովի 300 պատգամավորներից 200-ը, իսկ նախագահական «Քաղաքացիական ուժը» վերահսկում է 108 մանդատ։
Միաժամանակ հայտնի է, որ նրա որոշ պատգամավորներ կողմ են քվեարկել ռազմական դրության վերացմանը։
